تكلّم مع واو مثل ما تكلّم زميلك
أرسل له ملاحظة صوتية أو رسالة على الواتساب: من يسوي، وش المطلوب، ومتى. بلهجتك، وبنفس كلامك.
- يسمع صوتك ويكتبه
- يعرف أسماء فريقك وكُناهم
- «بكرة» تصير تاريخ
قل له ما يحتاجه فريقك. يحوّل كلامك إلى مهام،
يتابعها مع كل شخص، ويرجع لك بالمستجدات.
✓ فريقك يحتاج واتساب فقط
«سارة تجهّز العرض الخميس، وخالد يراجع العقد بكرة.»
أنت تعتمد. واو يتابع.
كيف يشتغل واو · جهتك أنت
نبدأ من جهتك أنت، المدير:
من أول ملاحظة صوتية إلى آخر إثبات إنجاز.
وبعدها، جهة فريقك.
أرسل له ملاحظة صوتية أو رسالة على الواتساب: من يسوي، وش المطلوب، ومتى. بلهجتك، وبنفس كلامك.
واو يرتّب كلامك مهاماً واضحة: لكل مهمة صاحبها وموعدها. تعدّل بكلمة وتعتمد بضغطة، وبعدها تروح كل مهمة لصاحبها.
لما يخلّص أحد مهمته، يوصلك الخبر ومعه الملف أو الصورة. تقفلها كذا، أو تطلب إضافة بضغطة.
واو يذكّر كل واحد في دوامه. وإن تأخر أحد، يجيك موجز الصباح، وتذكّرهم كلهم بضغطة.
اطلب جدول Excel بالأعمدة اللي تبيها، أو ادمج ملفات PDF في ملف واحد. تكتبها أو تقولها، وتوصلك جاهزة في نفس المحادثة.
وفريقك؟ · جهة الموظف
بدون تطبيق ولا قروب ولا تسجيل.
هذا اللي يشوفه خالد على جواله،
من أول مهمة إلى ملفاته.
بدون قروب ولا تطبيق جديد: تجيه مهمته في محادثته مع واو، بموعدها، ومطلوب منه صورة أو ملف يثبت الإنجاز.
قبل الموعد ويوم الموعد، في أوقات دوامه فقط. ويفهم الرد: «باقي البند الأخير» ما هي «تم».
يقول لواو «ذكّرني بكرة الساعة 10…» أو «مهمة لي…»، بالكتابة أو بالصوت، ويسجّلها له بموعدها ويذكّره في وقتها.
ملاحظة صوتية وبس: «سو لي جدول Excel للموردين وأسعارهم»، أو «ادمج الفاتورتين في ملف واحد». وتوصله جاهزة.
الاجتماعات والأسبوع
يحضر اجتماعك، ويجهّز ملخصه ومهامه،
وآخر الأسبوع يقول لك مين يستاهل الشكر.
واو يحضر اجتماعك مثل أي واحد من الفريق، ويدوّن الملاحظات. ومن تسجيل الاجتماع إلى ملخص ومهام تراجعها، قبل إرسالها للفريق.
على Zoom وMeet وTeams، أو من تسجيل ترسله له.يوصلك ملخص الاجتماع وقراراته، والمهام بأسماء أصحابها ومواعيدها. ما يوصل شيء للفريق قبل ما تضغط «أرسلها».
تعدّل بكلمة، أو تلغي.🎙 اجتماع الفريق الأسبوعي (35 دقيقة)
راجعنا عروض الموردين وموعد التوريد، واتفقنا على العرض النهائي للعميل.
القرارات:
• اعتماد مورد النور للطابعات
• تسليم العرض للعميل يوم الخميس
📝 وجدت في الاجتماع 3 مهام. لن يصل شيء للفريق حتى توافق:
14. إرسال العرض النهائي للعميل
👤 سارة · الموعد: الخميس 05/11
15. مراجعة بنود العقد مع المورد
👤 خالد · الموعد: الأحد 01/11
16. تحديث جدول المخزون
👤 نورة · الموعد: الثلاثاء 03/11
حصاد أسبوعي يوضح الإنجاز والمتابعة،
ويبرز نجم الأسبوع لتشكره.

📊 التقرير الأسبوعي · إدارة المشتريات
مساء الخير يا أبو فهد 🌤
📊 أسبوع إدارة المشتريات مع واو: أُنجزت 11 مهمة، 82٪ في الموعد.
🏆 نجم الأسبوع: خالد المطيري (5 مهام في وقتها).
تحب أوصل شكرك؟
👏 أرسل الشكر
تم ✅ وصل شكرك إلى خالد المطيري.
تطبيق واو
الكلام على الواتساب، والباقي في التطبيق: المهام وحالتها، أرقام فريقك، وكل ملف وصورة وصلت، مربوطة بمهمتها.



خصوصيتك
واو رقم أعمال رسمي على منصة واتساب للأعمال من Meta. ما يقدر يدخل جوالك ولا يقرأ محادثاتك: هذي حدود يفرضها واتساب نفسه على كل حساب أعمال.
يقدّمه إعداد الداعمة المحدودة، شركة سعودية، سجل تجاري رقم 7009115556. كيف نحمي بياناتك ←
بداية خفيفة. وقيمة واضحة.
«فريق» يتابع مهام فريقك كلها.
و«فريق برو» يضيف بريدك واجتماعاتك.
وإذا ما ناسبك، فلوسك ترجع كاملة.
ما ناسبك واو؟ اكتب له «استرداد» وبس، وترجع فلوسك كاملة. والإلغاء متى ما بغيت.
كل ما في «فريق»، وفوقه:
لفريق من ٥ أشخاص، والمدير منهم.
متوفر على App Storeحمّل واو للآيفونأو اشترك وادفع من المتصفح «فريق»: ١٩٩ ريال لأول ٥ أشخاص، و٥٠ ريال لكل شخص إضافي.الاثنان ضمن شغلك: واو مساعدك الشخصي لإدارة مهام فريقك. يستقبل التكليفات، ينظمها ويتابعها. وأعضاء الفريق يقدرون أيضاً يسجلون مهامهم الخاصة ويطلبون مساعدته في الملفات.
المدير يبدأ من تطبيق واو لإنشاء الفريق وإضافة الأعضاء. كل عضو يستقبل دعوة على واتساب؛ وبعد قبولها يقدر يتعامل مع واو من محادثته الخاصة، بدون تطبيق إضافي.
لا. واو يشوف فقط الرسائل اللي ترسلها له أنت. ما يقدر يقرأ محادثاتك الثانية ولا قروباتك ولا جهات اتصالك، وواتساب نفسه ما يسمح بهذا لأي حساب أعمال. التفاصيل
لا. واو جهة اتصال مستقلة على واتساب. ترسل له التكليف، ويوصل لكل شخص مهمته على الخاص. قروبكم يبقى كما هو.
تقدر تختار «اسألني دائماً» لمراجعة المهام قبل إرسالها. وإذا احتجت تعدّل، ردّ على رسالة المهام بالتصحيح. التحقق الآلي من الملفات يساعدك، والقرار يرجع لك عندما تكون النتيجة غير واضحة.
«فريق» فيه كل متابعة المهام: التكليف بالصوت، التذكير والمتابعة، الملفات والتحقق منها ومساعد الملفات، إيصال الرسائل والطلبات، والتقارير وحصاد الأسبوع. و«فريق برو» يضيف فوقه بريد العمل لكل شخص في الفريق (يبحث في بريدك ويلخّص الإيميل ومرفقاته، ويكتب ويرد من واتساب بعد موافقتك)، ومحاضر الاجتماعات ومهامها، وحضور اجتماعات Zoom وMeet وTeams. تقدر ترقّي أو ترجع متى ما بغيت، والمزايا تنفتح فوراً بدون تحديث للتطبيق.
خلال ٣٠ يوماً من الدفع تسترد المبلغ كاملاً، بدون أسئلة ولا شرح: اكتب لواو على واتساب «استرداد» وبس. والإلغاء متى ما بغيت، من رابط «Manage subscription» في إيصال الدفع، ويبقى اشتراكك شغّالاً لين نهاية الشهر المدفوع.
افتح تطبيق واو، وسجّل برقمك عبر واتساب. أنشئ الفريق وأضف الأعضاء، وبعد قبول دعوتهم أرسل أول تكليف. وللاشتراك والدفع من المتصفح بلا تطبيق: yallawaw.com/subscribe. ابدأ بفريق صغير ومهام واضحة لتشوف التجربة على شغلك.
شغلك يستاهل مساعد.
أنشئ فريقك، أضف أفراده، وقل لواو أول مهمة.
متوفر على App Storeحمّل واو للآيفونأو اشترك وادفع من المتصفح · من ١٩٩ ريال شهرياً لأول ٥ أشخاص